By bryndis
Nokkur hross úr húsinu fóru í keppni nú um helgina, Vörður og Finnur kepptu í fyrsta sinn í fjórgangi, pabbi og Von í tölti, við Hrafn kepptum í fjórgangi og Danni keppti á Gleði í fimmgangi.
Vörður og Finnur fóru í sína fyrstu íþróttakeppni saman, fjórganginn í Herði. Það gekk ekki alveg nógu vel en einhvers staðar urðu þeir að byrja og Vörður er klárlega í mikilli framför.
Vörður og Finnur í reiðtúr nú á dögunum
Pabbi og Von fóru í töltið á íþróttamóti Gusts, það gekk ekki heldur nógu vel en þau eru bæði frekar óreynd á hringvellinum…
Pabbi og Von á móti þar sem þeim gekk ljómandi vel
Við Hrafn frá Tjörn kepptum í fjórgangi á íþróttamóti Gusts, það gekk ágætlega, vorum önnur í úrslit og héldum okkar sæti þar.
Við Hrafn í reiðtúr nú um daginn
Ég enda svo á því sem best gekk en Danni og Gleði gerðu flottar sýningar í fimmgangi í Herði, bæði í forkeppni og í úrslitum. Urðu önnur í úrslitum með 6,63. Allt á uppleið hjá þeim. Síðustu helgi voru þau á Reykjavíkurmeistaramótinu, urðu þar samanlagðir fimmgangssigurvegarar og þriðju í úrslitum í slaktaumatölti.
Úrslit í fimmgangi opnum flokki í Herði
Flottur skeiðsprettur í lokin
By bryndis
3.Landsbankamót Sörla var haldið um síðustu helgi, það er þrígangsmót á gæðingaskala og síðasta mótið í mótaröðinni.
4 hross úr húsinu kepptu, Glaumur og Gleði- undan Kæti, og svo Vörður og Von- undan Vör.
Vararafkvæmin komust í úrslit en pabbi reið Von í heldrimannaflokki og Finnur reið Verði í 1.flokki.
Þau fengu bæði áberandi góðar stökkeinkunnir enda mjög flott og kraftmikið stökk þar á ferð.
Hér eru myndir af systkinunum:
Pabbi og Von
Von á flottu stökki í úrslitunum
Pabbi og Von voru þriðju inn í úrslit, hækkuðu sig í annað sætið, fengu 8,32.
Vörður og Finnur á svaka stökki í úrslitunum
Yfirferðartölt hjá félögunum
Finnur og Vörður komu þriðju inn í úrslit eins og pabbi og Von en úrslitin gengu ekki alveg eins vel, náðu samt flottum tölum á stökki, 8,8, en eitthvað vildi Vörður svíkja brokkið svo þeir enduðu í fimmta sæti.
By bryndis
Það var sannkallaður vordagur annan í páskum, sól og hiti framan af degi og nýttum við tækifærið og tókum vídjó og myndir af Hrafni. Hrafn er nú á 8.vetri, orðinn mótaður og góður hestur. Stefnt er með hann í keppni nú í vor.
Hér er myndbandið : Hrafn-apríl 2012
Svo eru hér nokkrar myndir:
Við Hrafn í fallegu umhverfi í Sléttuhlíð
Hrafn frá Tjörn
By bryndis
Nýhestamót Sörla var haldið í vikunni en það er mót fyrir hesta sem hafa ekki unnið til verðlauna áður.
Finnur fór með Vörð í Karlaflokkinn, það gekk vel, þeir lentu í 2.sæti.
Bryndís fór með Glaum í Kvennaflokkinn, það gekk ágætlega, 5.sæti, en Glaumur hefur aldrei keppt áður, hæga töltið gott, frjálsa ferðin síðri…
Glaumur og Bryndís á Nýhestamótinu
Vörður og Finnur á Nýhestamótinu
By bryndis
II Landsbankamót Sörla var haldið sl.laugardag, 17.mars á afmælisdegi Sigga bróður. Skráningar á mótið voru margar og vorum við harðákveðin í að gera betur en á síðasta móti en þá náðum við ekki sæti.
Snorri keppti á Von í heldrimannaflokki, Varar- og Toppsdóttur.
Bryndís keppti á Gleði í 1.flokki, Kæti- og Ófeigsdóttur.
Finnur Bessi keppti á Verði í opnum flokkki, Varar- og Gídeonssyni.
Vel gekk, Snorri og Von fengu 5.sætið, Bryndís og Gleði 3.sæti og Finnur og Vörður 4.sæti.
Við gleymdum alveg að hugsa fyrir myndatöku, tókum engar myndir af mótinu en ég læt hér fylgja með myndir af Verði og Gleði. Nú þarf að fara að ná flottri mynd af Von þar sem hún er öll að koma til, orðin virkilega flott.
Vörður frá Hafnarfirði
Gleði frá Hafnarfirði
By bryndis
Folaldasýning Sörla var haldin sl.laugardag. Ég held að met hafi verið í skráningu þetta árið en 54 folöld voru skráð, 28 hestfolöld, 26 merfolöld.
Við fengum 4 folöld í sumar en fórum bara með 1 á sýninguna, veðurfar og tímaleysi kom í veg fyrir að folöldin 3 fyrir norðan yrðu sótt.
Hermóður var á Árbæjarhjáleigu og náðum við í hann í síðustu viku. Hann er undan Fjólu frá Hafnarfirði, hennar 2.afkvæmi, og Þóroddi frá Þóroddsstöðum. Hann er virkilega vel byggður og léttur á fæti.
Hann komst í úrslit á sýningunni og endaði í 5.sæti, en efstu 6 folöld í hverjum flokki komust í úrslit. Við fengum medalíu og folatoll í verðlaun, drógum toll undir hestinn Byr frá Mykjunesi.
Mynd tekin af dalli.is
By bryndis
Finnur Bessi skellti sér á Svínavatn um síðustu helgi, enda uppalinn þar í sveitinni. Hann tók Vörð og tvö hross frá sér og keppti. Þetta var fyrsta alvöru mót Varðar, hann fór í B-flokkinn og stóð sig vel, fékk um 8,20.
Vörður er nú á 8.vetri, hann hefur þurft sinn tíma til að verða alvöru hestur og finnst okkur hann vera algjörlega að smella núna. Hann er undan Vör okkar og gæðingnum Gídeon frá Lækjarbotnum.
Hér eru 3 myndir :
Vörður frá Hafnarfirði
Sveifla á brokki !
Vígalegir...
By bryndis
Snegla frá Syðsta-Ósi er 6 vetra hryssa sem var tamin fyrst nú í vetur. Hún er undan Snotru frá Syðsta-Ósi og Blossa frá Syðsta-Ósi.
Hún kemur vel út úr tamningunni og verður haldið áfram með hana.
Hér er myndband af henni eftir 2 mánaða tamningu:
Snegla eftir 2 mánuði
By bryndis
Hið árlega Grímutölt Sörla var haldið í dag í reiðhöllinni og tóku tvö hross úr húsinu þátt. Bryndís og Gleði kepptu í kvennaflokknum og Maggi og Hrafn í karlaflokknum. Þetta var fyrsta mótið okkar í Sörla nú í vetur þar sem ekkert varð af Ísmótinu. Gaman þegar mótin byrja að hrúgast inn og þetta mót er bara létt og skemmtilegt.
Bryndís og Gleði urðu í 2.sæti og fengu búningaverðlaun, Maggi og Hrafn urðu líka í 2.sæti og fengu líka búningaverðlaun… sem er ekkert nema gott mál
Hér má sjá heildarúrslitin : Úrslit Grímutölt 2012
Dalli var að sjálfsögðu mættur að taka myndir, hér má sjá myndirnar : Myndir-Grímutölt
By bryndis
Hekla náði nokkrum flottum myndum af Vigdísi um daginn, hér eru þær:
Vigdís og Hekla á flottu brokki
.. og tölt
Þær eru frekar flottar saman..
